मुख्य
खेलाडीको मनोबल खस्कन नपाओस्
१३ औं दक्षिण एशियाली खेलकुद (साग) सफलतापूर्वक सम्पन्न गरेर नेपालले दक्षिण एशियाली क्षेत्र सहयोग सङ्गठन (सार्क) मा एक पटक प्रशंसित भएको छ ।
सार्कको अध्यक्ष राष्ट्र नेपालले सार्क सम्मेलन समयमै गर्न नसकेर पाइरहेको अपजसलाई साग प्रतियोगिता सफलतापूर्वक सम्पन्न गरेर केही हदसम्म मेटेको छ । यसले नेपालको सक्षमता पनि देखिएको छ । साग प्रतियोगितामा नेपाली खेलाडीले जुन कौशल देखाए त्यो अत्यन्त महत्वपूर्ण छ । खेलाडीको कुरा सुन्ने हो भने पदक जित्नुमा खेलाडीको वैयक्तिक सफलता धेरै छ ।
सो सफलता हात पार्न सजिलो होस् भनेर सरकारले गरेको क्रियाकलाप भने नगण्य र कतिपय खेलमा त शून्य नै छ । प्रतियोगितामा खेल खेल्ने नेपाली खेलाडीले प्रतिष्पर्धीसँग खेल सामग्री मागेर खेल खेलेको र ती खेलमा पनि पदक जितेको पाइएको छ । त्यस्तै, सरकारले अभ्यास नै नगराएका र खेलाडीले व्यक्तिगत रुपमा अभ्यास गरी खेलेका खेलमा पनि पदक जित्नु देशको लागि जति गौरव गर्नलायक छ त्यति नै सरकारका लागि भने आलोचनायोग्य छ । पदक जितेपछि सरकारले खेलाडीलाई नगद पुरस्कारको घोषणा गरेको छ ।
जुन स्वागतयोग्य छ । तर अझै पनि सरकारले खेलाडीको अभ्यासको लागि गर्ने कार्यक्रम भने घोषणा गरेको छैन । जसले गर्दा खेलाडीलाई थप हौसला मिल्न सकेको छैन । खेलाडी राष्ट्रका गहना हुन् । गहनाको उचित तरिकाले सुरक्षित गर्नु र गहनाको चमक टिकाइराख्नु सरकारको कर्तव्य हो । यसतर्फ बेलैमा नसोचे आगामी प्रतियोगितामा गम्भीर परिणाम आउन सक्छ ।
Facebook Comment
लिग चरणको अन्तिम खेलमा चेन्नेइ सुपर किंग्सलाई पराजित गर्दै रोयल च्यालेनजर्स बेंग्लुरु इन्डियन प्रिमियर लिग (आईपीएल) को प्लेअफमा प्रवेश गरेको छ ।
आफ्नै मैदानमा शनिबार राति भएको खेलमा बेंग्लुरुले चेन्नेइलाई २७ रनले पराजित गर्दै प्लेअफमा पुगेको हो ।
चेन्नेइ, दिल्ली र लखनउको पनि समान १४ अंक भए पनि नेटरनरेटमा तीन टिमलाई पछि पार्दै बेंग्लुरु चौथो स्थानमा रहन सफल भएको हो ।
२०१ रन बनाएर पराजित भएको भए पनि चेन्नेइ प्लेअफमा पुग्ने थियो । तर, २१९ रनको लक्ष्य पछ्याएको चेन्नेइले ७ विकेट गुमाउँदै १९१ रन मात्रै बनायो ।
चेन्नेइका रचिन्ल रवीन्द्रले ६१, रवीन्द्र जडेजाले ४२, अजिङ्क्या राहानेले ३३ र महेन्द्र सिंह धोनीले २५ रन बनाए ।
बेंग्लुरुका यश दयालले २, ग्लेन म्याक्सवेल, मोहम्मद सिराज, लोकी फर्गुसन र क्यामरन ग्रीनले एक/एक विकेट लिए ।
त्यसअघि टस हारेर पहिले ब्याटिङको निम्तो पाएको बेंग्लुरुले ५ विकेटको क्षतिमा २१८ रन बनाएको थियो । बेंग्लुरुका कप्तान फ्याफ डु प्लेसिसले ५४, विराट कोहलीले ४७, रजत पतिडरले ४१, क्यामरन ग्रीनले ३८, ग्लेन म्याक्सवेलले १६ र दिनेश कार्तिकले १४ रनको योगदान गरे ।
चेन्नइका शार्दुल ठाकुरले २, तुशार देशपाण्डे र मिचेल स्यान्टनरले एक/एक विकेट लिए ।
यसअघि आईपीएलको प्लेअफका चारवटै टोलीको टुंगो लागिसकेको छ ।
१९ अंकका साथ कोलकाता पहिलो स्थानमा छ । प्लेअफ पुगिसकेका राजस्थान रोयल्स र सनराईजर्स हैदराबाद दोस्रो र तेस्रोका लागि प्रतिस्पर्धामा छन् । यो पनि आजै टुंगो लाग्नेछ ।
आज दिउँसो पौने ४ बजे हैदराबादले पञ्जाबसँग खेल्नेछ भने राजस्थानले राति पौने ८ बजे कोलकत्तासँग खेल्नेछ ।
इर्लिङ हालान्डको दुई गोलमा म्यानचेस्टर सिटीले मंगलबार इंग्लिस प्रिमियर लिगमा टोटनहमलाई २–० ले हराएको छ । जितसँगै सिटी लगातार चौथो लिग उपाधिको नजिक पनि पुगेको छ ।
क्रिकेटर सन्दीप लामिछाने प्रतिवादी भएको मुद्दा आजका लागि पेशी तोकिएको छ । गत वैशाख २३ गते लामिछानेको मुद्दा उच्च अदालत पाटनका मुख्य न्यायाधीश नृपध्वज निरौला र दुर्गाप्रसाद ढुङ्गेलको संयुक्त इजलासमा सुनुवाइका लागि परेको भए पनि मुद्दा हेर्न नमिल्ने सूचीमा परेको थियो ।
-
अर्थ5 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years agoसाउनदेखि कुन तहका कर्मचारीको कति तलब ?
-
खेलकुद4 years agoरंगशालाको अवलोकन
-
मुख्य4 years agoशेयर बजारमा झिनो अंकको गिरावट
-
अर्थ4 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login